VOLG ONS

Gaan dan na al die nasies toe
en maak die mense my dissipels.

Matteus 28:19

Ons glo dat die Here sy volgelinge roep om ten volle teenwoordig in hulle gemeenskap te wees en ook aktief, doelbewus en intensioneel grense oor te steek na mense wat anders lyk en anders dink en anders glo.
Daarom poog elkeen van ons om, veral binne die konteks van Suid-Afrika,
verhoudings te kweek oor talle soorte grense heen, sodat die eenheid van
Jesus se koninkryk sigbaar kan word.

MAAK 'N VERSKIL NUUS

GOEIE NUUS, BEELD

Stephan Joubert skryf die volgende oor ons
Ntwanano Rugbydag in 2023 saam met ons geloofsfamilie in Tembisa, Tabernacle (Church of God in Christ):

EVANGELIE GEBEUR OP LOFTUS, SOCCER CITY

"Kom ons wees net 'n slag die antwoord op ons eie gebede." - Stephan Joubert

TEMBISA SLEEPOVER

Ons het in Tembisa gaan oorslaap oor die naweek van 16 September 2023 saam met ons geloofsfamilie in Tembisa (Tabernacle: Church of God in Christ).

Kliek op die video vir meer oor dié spesiale belewenis!

Maak 'n verskil-geleenthede

LYFSKUIF
WOENSDAG

Ons hou elke maand 'n LYFSKUIF Woensdag wat jy saam met ons span kan bywoon. Op hierdie Woensdae doen ons verskeie gemeenskapsprojekte saam met die verskillende organisasies waarmee ons hande vat om in ons omgewing 'n verskil te maak. Hierdie projekte bestaan uit onder andere: Potholes regmaak, PEN-kuiers waar ons fisiese behoeftes aan onbevoorregte gemeenskappe skenk/uitdeel, blanket- en skryfbehoefte drives, en ander!

Hou ons kalender op die app dop vir meer inligting oor ons volgende Maak 'n Verskil Woensdag!

LEER LEES
PROJEK

Partykeer vat dit net een klein daad om 'n massiewe verskil in iemand se lewe te maak. Ons spandeer elke tweede Saterdag van elke maand 'n bietjie tyd saam met kinders uit verskillende onbevoorregte agtergronde, waar ons help met die verbetering van hul leesvaardighede - maar bo dit alles is dit 'n tyd van aandag en liefde gee - twee dinge waarna elke liewe kind smag.

Wil jy ons help om 'n kind te leer lees?
Join ons vir ons volgende Leer Lees-oggend en kom maak saam met ons 'n verskil! Jy hoef nie 'n gekwalifiseerde onderwyser te wees nie.  

NTWANANO
EENHEID

Ntwanano beteken eenheid.
As Maak 'n Verskil-span reël ons byeenkomste waar jy die geleentheid kry om 'n bietjie meer te leer oor ander kulture en agtergronde. Ons het byvoorbeeld al 'n Ntwanano Rugbydag én 'n Ntwanano Sokkerdag gehad. Hierdie byeenkomste vind gewoonlik op Saterdae plaas saam met ons Dialoog- en Tembisa-vriende.

Hou ons platforms dop vir meer oor ons volgende Ntwanano-geleentheid! 

Borg 'n Bok
projek

Ons vra jaarliks dat ons gemeentelede wat graag jag dit oorweeg om 'n bok te borg ter ondersteuning van ons voedselverspreidingsprojekte.

Hoe werk dit?
Laai jou skenking by enige slaghuis van jou keuse af en vul asseblief die vorm hieronder in. Ons sal die skenking se verwerking en afhaal verder hanteer.

TABERNACLE (COGIC)
IN TEMBISA

Tabernacle is 'n kerk wat deelvorm van ons geloofsfamilie in Tembisa. Ons vat gereeld hande met Tabernacle om hul as kerk in hul onmiddelike omgewing te bemagtig. Ons kuier ook gereeld saam deur geleenthede soos braai-dae, sleepovers, ensomeer.

Skuif jou lyf en leer ken mense wat anders as jy lyk, dink en leef. 

Tembisa
kersprojek

Ons vat ook jaarliks saam met Tabernacle (COGIC) hande om die kinders in hul gemeenskap in die Kersseisoen te bederf. Ons het byvoorbeeld 1060 pare skoolskoene ingesamel in 2022, en het in 2023 speelgoed aan die gemeente geskenk (iets wat die kinders in Tembisa nie sommer kan bekostig nie).

Dankie aan elkeen wat elke jaar help om ons Tembisa Kersprojek 'n groot sukses te maak!

Maak 'n verskil-ORGANISASIES

MAAK 'N VERSKIL met jou kundigheid

DEEL JOU KUNDIGHEID MET DIE GEMEENSKAP

Ons elkeen wil graag 'n verskil maak, maar weet nie altyd waar nie. Jy kan help deur jou eie kundigheid beskikbaar te stel.
Vul asb die volgende vorm in en ons kontak jou wanneer ons jou hulp kort:

Wil jy graag betrokke raak
en 'n verskil maak?

Vul  gerus die vorm in om die proses aan die gang te kry.