Ons klim in die wêreld van die Korinte in, waarin Paulus die mense waarsku teen verdeeldheid onder mekaar. Eensgesindheid is die grootste uitnodiging van hierdie brief en dan is daar natuurlik 'n klem op die liefde - waarsonder ons nie hierdie eenheid kan leef nie.

Mag hierdie reeks jou ontmoet net soos jy is,
jou transformeer en jou inspireer om 'n
verskil te maak waar jy okal gaan.

Vandag se gelowiges is ongelukkig gewoond aan die Bybel in kitskosvorm en dit kom ons duur te staan. Ons ervaring is dat almal die Bybel inneem deur ander skrywers se boeke en reeds-verteerde dagstukkies. Die wat wel probeer Bybel lees wend hulleself na geïsoleerde versies sonder inagneming van die konteks.

Oosterlig se En Route Bybelskool verbind mense se lewens met die volle, lewende Woord met al sy nuanse, sodat die verhaal so saamsmelt met ons eie dat dit één verhaal word!