Die fokus van ons eredienste is ‘n ware ontmoeting met die Leier van ons lewens en die Vergewer van ons sondes - Jesus Christus. Die Here stap 'n besondere diep pad met ons elkeen en met ons as gemeenskap in geheel, daarom vorm lofprysing en aanbidding 'n groot deel van ons eredienste, waar ons draai na Hom wat alle eer toekom. Ons Leraars deel elke Sondag 'n boodskap wat nie net uit losstaande gedagtes bestaan nie, maar waar ons diep nadink oor die lewe van Jesus en Sy uitnodiging aan ons elkeen. Ons as gemeente reis nou al vir die afgelope drie jaar deur Matteus en groei so ook nader aan God se skepping, nader aan mekaar, maar bo dit alles, nader aan Hom wat vir ons wys hoe om die lig te wees.

Ons nooi jou om te kom net soos jy is. Word getransformeer en maak 'n verskil oral waar jy gaan.